Page 8 - Bachler

Gedichte Helene Bachler

Wetterläut'n

Gonz dunki weascht`s, es dunnascht laut,

weil a grausig`s Wetta eichaschaut.

Die Leit, dia laffn`d hin und her,

weil iatz blitzt`s a no mehr und mehr.

Die Mesnerin sogg: „Iatz is`s hechste Zeit,

dass i die Wetterglogg`n läut!“

Sie spring`glei eichi bei da Kirchentür,

do sogg` drauf glei a Monn zu ihr:

„Vü z`friah bist heit mit`n Läut`n dru,

des Wetta fong` a no long nit u“.

Weil sie owa nimma boat`n mecht,

läut`s iatz die Wetterglogg`n decht.

Des ärgste Huachwetter is vorbei,

d`Mesnerin heascht auf mit da Läuterei.

Und wia`s aussigeht bei da Kirchentür,

do steht a älteres Fräulein hinter ihr:

„Mit`n Läut`n host heit spat u`gfonga,

Gott sei Donk is`s guat ois gonga.“

A ondre Frau wü krod an Friedhof geh

und bleib`glei bei die Zwoa do steh:

„Na, z`friah läut`n is gor nit guat,

eascht wenn`s richtig regna tuat,

owa nix is heit passiascht, gottlob.“

- Bua, des Wetterläut`n is a harter Job.

Seite 8