Page 11 - Bachler

Gedichte Helene Bachler

Gibt’s Engel?

Engel, des gibt’s, des woaß i gwiß,

weil wenn`s mia amoi nit so guat geht,

donn es scho öfter vorkemma is,

dass Oaner hinter mia steht oder geht.

Engel send meistens gonz oafoche Leit,

dia in insan Dorf do wohnen,

sie homb oiwei fi ondere Zeit

und toan sich söwa nit schonen.

Braucht ma wos, so send dia Engei umma,

sie höffen einfach, toan gor nit long frogen.

Sie scheichen koa Orbeit, koan Kummer,

nur einfach „sei so guat“ muaß ma sogen.

Gonz stad sends beim Werken,

sie jammern und schimpfen meist nia,

koaner tuat die vü Arbeit bemerken,

vü söchane Engerl, dia brauchen mia.

Im Brixentoi do geht’s ins scho guat

johraus, johrein zu jeder Zeit,

wenn i oan hätt ziachat i den Huat,

vor dia fleißigen Engerl, dias bei ins geit.

Seite 11