Page 12 - Bachler

Gedichte Helene Bachler

Die Hl. Cäcilia

Sie wor gwiß a interessante, tolle Frau,

iwa ihr Leben woaß ma nix gonz genau.

Ois Jungfrau aus Rom is sie bekonnt,

und heit no beliebt in Stadt und Lond.

Ihre Gschichtln wor`n lateinisch nur vorhanden

und do is u.a.“Cantantibus organis“ g`standen,

do homb die Übersetzer irrtumlich aussag`lesen,

dass sie vielleicht a Orgelspielerin is g`wesen.

Fest steht, dass daweil die Oan singand und toben,

tuat sie den Herrn im Heaschz`n loben,

daweil die Oan spün und plärren

tuat sie ihrn Verlobten zum Christentum bekehrn.

Weil sich des für a Christin so keascht,

hot`s a koane römischen Götter mehr vereascht.

Des hot wiederum der Präfekt nit vatrog`n

und ihr deswegen eiskoit den Kopf o`gschlog`n.

So woaß ma vo da Hl. Cäcilie nett oans gonz gwiß,

dass sie a Märtyrerin für ihr`n Glauben is.

Mit Musik söd`n a mia a den Herrgott loben,

weil ma nocha guat u send, an Himmi oben.

Seite 12