Page 13 - Bachler

Gedichte Helene Bachler

Boutique

A noine Hos wear i mir kaffn miassn,

weil die Oite hi is zwischen d`Fiaßn

und ausserdem is`s nimma modern

und i war hoit a no jung a bissl gern.

So geh i schneidig eichi a die Boutique -

do gwandt`i mit heit noi und schick!

Die Verkäuferin mustascht mi vo obn bis unt,

wos i eppa für a Größ hobn kunnt?

An Hauff`n Sochen hun i uprowiascht,

dass die Dame scho boid die Geduid valiascht,

oba ois is`s z`eng und z`kuschz und z`kloa,

mit meiner Größ hun i do herinn nix z`toa.

I hear die Frau oiwei wieda sog`n:

„Wir bekommen neue Modelle in 14 Tog`n“,

„do is donn sicher wos dabei.“

Krod i brauchat mei Hos hoit glei!

Heit send`s oi so schee und schlank gebaut,

dass si`a Leibiger gor nimma eikaffn traut.

Und fi an Einkauf in a Boutique

bin i anscheindend einfach z`dick.

Seite 13