Page 10 - Habinger
P. 10
Gedichte Margit Habinger (Rettenschöß)
Net gschimpft is glob gnuag
Da easchte Schrit, des easchte Wort,
a Bobbä hots guat
oiwei weascht glob,
des gib da fi ois neie an Muat.
A da Schuizeit gehts mit da Lobarei
scho gschpariga zua,
do muast guade Notn hom,
siehst is glei a Rua.
Net gschimpft is glob gnuag,
so weascht groussa mit ins vafohn
wias hoit so is,
oiwei a da foischn Stö sporn.
Koa Higriaslarei, na a ehrlich gmoats
Lob heascht jeda gean
und aufoamoi weaschts wiarma
auf insana gefühlskoidn Ean.
Seite 10
