Page 13 - Habinger
P. 13
Gedichte Margit Habinger (Rettenschöß)
A gscheida Bua
Zon Gschichtnvilesn sen d‘ Mamas eiteilt a da Schui, des is sche
de Zeit wo de Kin gean zualosn - duat e so schnöi vageh
Lustig und sponnend is mei Biachä von „Yogi Bär“
zwor scho 40 Johr oid, owa mocht decht nu wos hea
Da Bär losst sie eispan vo zwoa Zirkusleit
zguatgläubig isa und des is net oiwei gscheit
De Gschicht geht no gottseidonk guat aus und oi sen zfrien,
het ma enk a an Käfig eichedalockt, frog i danoch de Kin
Na, sog da Bua, ea is glei mit da richtign Antwort kricht,
de besn Leit, dia kenn i scho an Gsicht!
Seite 13
