Page 8 - Habinger
P. 8
Gedichte Margit Habinger (Rettenschöß)
De Birk
Vü Leit dann jo de Schönheit vo ana Birk gonz üwagwohn
owa net oi, deswegn isa a Baum des Jahres won
Es is a Bam, dea wena a koane Früchte trog
trotzdem bei fühnan is gonz narrisch gfrog
Oft steht a newa an Kapuiä und lodt d’ Leit zon betn ei
und auf an Bankä an Summa is unta sein Schotn a narrisch fei
Seine fühn kloana Blattl sen wia insane ozöhtn Lebenstog
nochn Ofoin kemmans oiwei wieda, des gib a Hoffnung,
das da Mensch net vazog
No nu sei weiße Ringg, so glott, wia de schena seitn a insan Lem
und a de rauchn schworzn Stöhn kus bei ins oiwei wieda gem
Sogo a da musikalischn Wuit is de Birk jedn bekonnt
Rauschende Birken oda drei weiße Birken
dia schen Liada klingan durchs gonze Lond
Jo, des wo Theorie, Praxis is aussegeh
und oi Naturschönheitn suim sechn und dalem
kus eppas schenas gem?
Seite 8
