Page 15 - Habinger

Gedichte Margit Habinger (Rettenschöß)

Hirn aus - Herz ein

Drei Johr dauascht moastns a Lehr
und wea studiascht, hot nu vü lenga a Gschear
Owa fi oan Beruaf, do heaschts Leana üwahops nia auf
es is s‘ Lem, do kimst glei amoi drauf
Wonn soid mas s‘ Mei gscheida hoitn und wonn eppas sogn
wonn a Rua gem und wonn wieda eppas wogn
Wonn eppan vatraun und gachenst sei gonze Liab heagem
und wonn eppas beendn und oafoch wos Neis ugeh an Lem.
Koa Buach und koa Internet ku da Hoifn mit deine Frogn
du alloa muasts entscheidn unds Ergebnis no a datrogn
Schoits Hirn efta aus unds Herz dafi ei
los mea auf dei Bauchfgfüh, es ku fi di nix bessa sei

Seite 15