Page 13 - Mundartgebete

Heiliga Geist

Gib ma Gedonkn
de guat sen und weit,
umgib mi mit edle,
mit rechtschaffne Leit.

Lass mi entscheidn
vanünftig und klor,
moch mei Bestrebn
ehrlich und wohr.

Wenn i di brauch
dring in mi ei,
lass mi gerecht
und friedfertig sei.

Lass mi begreifn
wos i net vasteh,
dass i a glam ku
und dass i besteh.

Wenn i di suach
donn kimm auf mi zua,
schenk ma dei Kroft,
schenk ma dei Rua.

Bin i amoi traurig
und gehts ma net guat,
schenk du ma de Hoffnung,
moch du ma donn Muat.

Wenn i dia fern bi
hoi mi wieda ei,
umfong mi oizeit
mit dein unsichtborn Schei.

Sei oafoch do

sodass i di gspia,
sei mei Begleita
ob spat oda fria.