Page 15 - Mundartgebete

Donkn fi des oite Johr

Mia mechtn heit aufs Donkn net vagessn,
daß ma reichlich hom zum Essn,
daß ma Friedn hom im Lond,
vor jeda Katastrophn worn vaschont.

Donkn fi a jede Stund,
de ma glebt hom frei und gsund,
fi jeds Glick, fi jede Freid,
de ins gschenkt wor in dea Zeit.

Donkn fi an jedn Tog,
dea ins vaschont hot von a Plog,
dea ins wia am Wunda gleich,
beglückt hot und beschenkt so reich.

Donkn fi jeds Guatsei von de Leit,
fi jede kloane Freindlichkeit,
fi Reng, fi Sunn und Wind,
fi jeds Lachn von am Kind.

Denk ma zrugg in Donkborkeit,
auf de vagongne, gschenkte Zeit,
leng ma iaz am Johresend,
de Zeit in Schöpfas Händ.