Page 9 - Schwaiger

Gedichte Franz Schwaiger

's is a Kreiz mit dera Hitz

schau hea wia i heit schwitz
ochahoatzn tuats wia varruckt
de hoaße Luft mei Gmiat arg niedadruckt.

Kam decht endlich amoi a Regn,
des wa fis Land und d Leut a Segn.

Schau da decht des Sauweda u
wenn i kunnt lafat i davu
nix as wia a Newi weit und breit
watscheinaß weand d Vicha und a d Leit

Dass ondascht weascht is hechsti Zeit
bei dem Weda kriag i koa Freid

kunnts net endlich aufhean mit dera Schittarei
net eascht in an Munat sondern glei

Na so a Weda: weit und breit koa Sun

ganz klar, dass i koan Schwung ham kun
mia feid oafach a blaua Himmi
und vo da Sun wenigstns a Trimmi

so a komischs Weda es is frisch daweascht
i wea narrisch wenns net boid andascht weascht

De Luft is oafach z koid

obwoi d Sun scheit, was ma sist woi gfoid
kunnts net a Bißei wärma sei
nacha was heraustn huckn richtig fei

so gfriascht uni Jangga schiaga a
was sagstn du zu dem Weda da?

Ja wennst mi fragst, nacha los ma zua:
I kriag vom Weda gar nia gnua

S Weda is fast oiwei guat,
wenn s net grad riesln tuat
oda sovui reng, dass Häusa send in Gfahr
oda Blitz zischn üba d Haar

Seite 9