Page 7 - Mundartgebete

I lobpreis mein Schöpfa

I lobpreis mein Schöpfa
fi Mond und fi Stean,
fi Woikn und Wind,
fi ois Leb´n auf da Ean.

I lobpreis mein Schöpfa
fi Wassa und Luft,
fi Kräuta und Blumen,
fin wundaborn Duft.

I lobpreis mein Schöpfa
fi Samen und Frucht,
fi Sunn und fi Feia,
fi Berge und Schlucht.

I lobpreis mein Schöpfa
fi Pflanzn und Viech,
und dass i in oidem
a Wundawerk siech.

I lobpreis mein Schöpfa
fis Sechn und Hean,
fis Redn und Schnaufn,
fis Sei auf da Ean.