Page 9 - Wimmer
P. 9
Gedichte Lisi Wimmer
De Nåturheil-Medizin
Da Sepp geht zen Heilpraktika hin
und mächt eine Nåturheilmedizin
de Haxn toan eahm furchtbår weh
vo de Knia åbwärts bis zua kloan Zeh.
Da Heilpraktika tuat übalegn
wås er kunnt dem Sepp då ge´m
auf oamoi då fållt eahm dånn ei:
Bluategl soin dös best´für wehe Haxn sei!
Er sågt: Du, Sepp, tua net daschreckn
du gehst iatz zu da Apothekn
und låßt dir fünf Bluategl ge´m
des hilft, dånn gfreit di båld wieda dei Le´m!
Nåch vierzehn Tåg kimb da Sepp gånz zritt:
Herr Dokta, de Bluategl, dia helfn nit!
Jå, hast du dir scho fünf Stuck hoam?
Da Heilpraktika ku´s net recht gla´m
Jå sicha, sicha - sågt da Sepp -
åba i dapåck dia Viecha net
mit tuat scho båld går ois vodriaßn
zwoa hun i jå daschluckt,
åba drei håt mia mei Frauscho bråtn miaßn!
Seite 9
