Page 14 - Wimmer
P. 14
Gedichte Lisi Wimmer
De sündteure- neue Hosn !
A junga Bua kaft se a Hosn
a Jeans - so -wia-se - heunt - hâlt send
mit - lauta - z’schliss’ne – Löcha drinn
und wo übarâll- de Fa’n –aufstehnd
sei’ Mam - z’wâr nu - a junge Frau
âba für de Hosn –do scho z’âlt
de moant da Bua - is mit da neuen Hosn hänga blie’m
draussn wo im Wâld
sie wü’ eahm gânz wâs Guades toa
und flickt dia Löcha âll’ schö zua
und moant eah hât – a grouße Freud
er hätt’ a Freud - da Bua
da Bua - kriagt fâst an Herzinfarkt
wia er de Hosn siecht
âlle Löcha -sauba zuageflickt
für eahm – wâr des - gânz fürchtalich
er jammascht - a dia Löcha nâch
ningascht - nix mehr z’schlissn
und krâd deswegn – iss -sie’ jâ- so teuja g’wesn
er sâgt – a so beschissn
mei’ neue Hos’ iatz iss –sie hie’
de leg i – nimma u
Mam – des hätt’ i mia – nia denkt
das d’ soooo – âltmodisch - bist Du
Seite 14
