Page 8 - Rossa 4
P. 8
Gedichte Joseph Rossa
Gscheid sündigen
Da Mesnerhans vo Broatenbach
beruflich war er Schneider
er hot olls gwißt vom ganzn Dorf
er wor a ziemlich gscheider
Vo Oberdorf da Huaba Lois
der is zum Mesner kemmen
und sogt zu eahm er waar so weit
er taat a Weib gearn nehmen
Natürlich frogt da Hans glei noch
woher sie denn taat stammen
Familienstand uns s´Olta aa
und ihre ganzn Namen
„Vo Bielefeld“ sogt eahm da Lois
do werd da Hans sekantisch
„Ja woasst du nit, du dummer Kerl
na iss ja protestantisch“
„Du überleg dir des no guat
denk dron no vorm Vakündigen
Oane dia nit katholisch isch
konn nit amol gscheid sündigen.“
Seite 8
