Page 10 - Rossa 4
P. 10
Gedichte Joseph Rossa
Im Fruahjohr
Im Fruajohr hot mei Diandl gfrogt
ob mia nit heiratn selln
„Muass glei sei“ hun i do drauf gsogt
i hun no nit recht welln.
Guat sogt sie nochand meinatwegn
Hosch no a bissl Zeit
du konnsch dias nomol überlegn
aba koan Ewigkeit.
Jetzt hun i no a Weil sinniert
beim olten Stoll dahint
do bin i immer hinspaziert
geaht mia wos nit an Grind.
I siech a Spinnennetz ganz fein
a Spinn hängt an der Scheibn
sie wickelt grod a Manndl ein ---
---i werd decht ledig bleibn...
Seite 10
