Page 12 - Rossa 2

Gedichte Joseph Rossa

Wia aus dem Übel das Böse wurde

Beim Huaba Hans, zur Mittagszeit

Do betens no vorm Essen
Des isch a so seit langer Zeit
Do werd nia drauf vergessen

Das „Vater unser“ passt recht guat
Is vo da Läng her richtig

Es kimmt aa s´täglich Brot drin vor
Und des isch immer wichtig

Doch ganz gefahrlos isch es nit

Des hot der Hans erfahren
Weil seine Augn nach dem Gebet
Ganz grün und bläulich waren

An Dokter hot er´s so dazählt:
Mia stehngan do beim Beten

A Hennensuppn aufm Tisch
Und obm auf schwimmt de Fetten

Sell mog i nit, des tuats mit Fleiß
Und Schnaps is koana umma

Des hob i denkt, do samma grod
Zum Vater unser kumma

Und i schaug grod bei dersn Stell
„Erlös uns von dem Übel“

zu ihra hin und hob ganz schnell
am Kopf den Abfallkübel.

I hab de Augn drum grün und blau
Und Binkel soiche Trümmer

Seit dem bet´ i mit meiner Frau
Koan Vater unser nimmer

Seite 12