Page 10 - Rossa 2
P. 10
Gedichte Joseph Rossa
De Vasuchung
De Nann mit 94 Johr
hockt ba da Burgl, Knia an Knia
desell isch 95 Johr
und boade derrisch awa wia
De Nann, uon Zahnd im Kiefa inn
schnappt herawärts, well ebbas sogn
und wia´s ihr wieda eingfolln isch
mecht sie de Burgl ebbas frogn:
„Sog Burgl, sog, wia isch bei dia
losst de Vasuchung di an Ruah?“
De Burgl trenzt ieba de Kui
Und mit da Hand am Ohr losts zua
„Haa”, moant se aft “wia kimmt da fü
jo jo es isch a Kuldara dea“
„Noa!! De Versuchung hun i gmoat!“
“Redt lauta wal i decht nicht höa”
„Sog, plogt di de Vasuchung nit?“
„Wer moansch du dass mi plogt?“
De Nann plärrt los, gonz voia Wuat
„Zwengs da Vasuchung hun i gfrogt“
„A woll a so, I hun di schun
woll woll an Langs hun i ebbs gspüat
dös isch woll de Vasuchung gwest
krod wia ban ins de Kuah hot gstiat“
Seite 10
