Page 8 - Rabl 2

Gedichte Anni Rabl

D´Floig´n

A diam an Rasta toa schad´ sicher koan,

a kloas boisl net hintan Tisch eichi loan,

aber kam dass du a so eppas denkst,

dass da etz a kloas Boisl schenkst,
da heascht scho de eascht,sie fliag drong um die umma,

und hot dia damit glei de eascht Ruha o g´numma.

So a Floig´is zu dir zuichi,a kloane Gestoit,

mocht glei extrig frech auf dei Nasen Hoit,

kitzlt und krabbit, um die dann nu z´beiss´n,

glei fongst u schlag´n und wos noch ihr z´schmeiss´n.
Moast dann endlich, de tuat nimma stea´n,

do dauascht nit long, kust vo nuis oane hea´n.

So geht dös nit weiter, datuast koa Äugl zua,

etz is endgültig vorbei, mit da ausgiebing Ruha.

So a kloas Viech und vo dea Gattung zoch,

schliafta glatt eichi as Nos´nloch.
Etz reicht´s ma, etz glang´s ma, etz vaschaff´í ma Ruha,

hoi gonz schnö an Tatscha und hau richtig zua.

Bitsch und batsch, so kust´s etza hean,

sie is auf da Flucht, wei wea stirb´scho recht gean.

Zletzt hukt´s nu gonz frech, mittn im Gsicht,

und wa a scho wieder zon Zuabeiss´n kricht.
Dös hot´s übersech´n, i hau etz glei zua,

hu a endlich troff´n und hoff etz auf d´Ruha.

Seite 8