Page 8 - Demo

Gedichte Nicole Peer Seite 8 Herbstgedonkn......”Oma” Da Summa is aus, so wia jeds Johr. Da Summa mit vü Sun und wenig Regn. So an Summa hods scho long nimma gebm. Da Herbst klopft longsom u, da Woid färbt sich scho bunt und ma heard des Rauschen vom Wosserfoi im Hintergrund. Im Herbst, do vamiss i di am Meisten, do tuats imma nu furchtbor weh, im Herbst host beschlossn, dass du gehst. Du bist gonga im Einklong mit de vafarbtn Blattl vo de Bam. Gonz leise host die aufm Weg gmocht, zu deiner allerletzten Reise. I woid da nu so vü sogn, obwoi ma so vü gred hom mitanond, nia weard is vagessn, dei leblose, eiskoite Hond in meiner Hond.