Page 8 - Reiter

Gedichte Klaus Reiter

Gedanken

Wea moat da Mensch soi nur Sport betreim,
z'wengstn Lebnsgfui und um fit zan bleim,
ja wea denkt nur des war's Zui,
da Sport ois Lebnsgfui,
dea vagißt, ja dea vagißt,
daß da Mensch seit jeher vagleicht und mißt,
wea laft schneia, wea spring weita,
wea is schöna, bessa, gscheita.

Ja des soit ma auf koan Foi vagessn,
da Mensch weascht va kloa auf vaglichn,agschätzt, gmessn.
Ah, is und war da Mensch oiwei scho van Ehrgeiz trim,
dea oiwei wieda sag :"Kim, kim
reiß de zam gib mea, sei schneia,
spring weita, sei bessa wia ea.

Da heift weda Vastand ja Intellekt,
a kloas bissl steckt,
ja a kloas bissl steckt an jeden Menschn in,
wei ehm a Lebewesn und koa Maschin .
Oda wer sist wars dean so lang treib,
bis a vor Erschöpfung hinta de Ziellinie speib,
ois wia da Ehrgeiz dea sag: "Tua weita, tua no oan drauf,
gib ois, awa kat nit auf ."

Wann ma nacha a no oi Tag a da Zeitung liest,
"daß'd eigntlich nur ois Sieger wea bist,
a im Radio und Fernseha heascht
daß'd ois Zwoata scho za de Valiera keascht
und wann no dazua an haufn Geid an Spui is,
is naheliegend daß nur da Sieg as Zui is .

Seite 8