Page 4 - Haselsberger
P. 4
Gedichte Wastl Haselsberger
Koasa!
Es war vor vui Jahrn -
da warn de Leit nu net so auf Axe,
fast neamb is in Urlaub gfahrn,
heggstns a Bergtour auf Haxn.
Na Ausflug oda gar Urlaub -
da war nu nix drinn,
ob mit Bohn oda Bus -
des war reinsta Luxus.
Donn seind kemma de Radl
a mit Motor und Benzin,
damit net strapaziascht de Wadl
und da gangs bärig dahin.
Donn hats a an Bäurina Ausflug gebn -
mitn Bus as Pinzga umme
da war nu neamb in sein Leben
da is oft kemma weida a Humme.
De Weiwaleit oi sprachlos
na so schen is de Waöt
und dia großn Pinzga Rosbua
dia kostn sicha vui Gaöd.
In Moashofn is grad Markttag -
und da weascht glei Mittag gmacht
drauf an Tuschtn mit Schlag
da homb de Bäurina glacht.
Seite 4
