Page 3 - Haselsberger
P. 3
Gedichte Wastl Haselsberger
Grüß Göttin!
Grüß Göttin, -so stehts an da Grenz -
Jeda liests, - fast Koana kenz
Leit de zu ins kemman -
deanan muaß da woi dämman, -
A neie Sekte, neie Breich -
im flexiblen Östareich.
Gmoant is woi insa Bundeshymmne-
& i sag dümma geht’s woi nimma.
De Weiwa -Emanzn auf amoi -
i sag dia keratn nach Hoi.
Maria Theresia - Sissi warn geistreich -
& se warn beliebt in Östareich.
Grüß Göttin bei ins im Lond -
monchmoi zweifit mei Vastond.
Wichtigtua gabs zwar scho öfta -
friaha Söhne, heint de Töchta.
Gschaftlhuawa dumm zu gleich -
armes -oites Östareich.
Wem dea Schmarrn eingfoin is -
Lebt woi im Weiwa-Paradies.
Und seit de Weiwa - Hosn tragn -
gehts a de Söhne an den Kragn.
Awa ma sagt net Weiwa, sondan Damen -
i sag guade Nacht & Amen.
Seite 3