Page 6 - Astl_Spread

Gedichte Christa Astl (Buch/St. Margarethen)

Waldspaziergang

I geh so gern alloa durchn Wåld,
er nimmt mi auf, gånz in sei Ruah;

aa wenn i so kloa gegn de groaßn Baam bi,
kimmt ma vii, i ghear aa dazua.

I horch in de Stilln, wås de Baam mia dazähln,
sie tröstn mi, måchn ma Muat.
„Schau ån, wia groaß und wia oit mia scho san,
es geht ois vorbei, wead wieda guat.“

I loahn mi ån an dickn Buachnståmm,
spür de Rindn kühl, glått und fein.
Då is ma, åls dringat sei Såft und sei Kråft
durch die Haut tiaf in mi ein.

Und fröhlich und staad geh i wieda hoam,
fühl in mia an glücklichn Friedn;
håbs wieda dalebt, wia scheens is, de Welt,
weil i alloa gwesn bin.

Seite 6