Und eppas zu meina Person:
58 Jahr, oa Frau, drei Kina, eha brav, koa Schlawina, aufgwachns und grouß worn in Schwendt, heit leb i in Woadring, da untn, ent.

Oismögliche ausprobiascht,spada auf Hauptschuilehra nu studiascht, Schilehra, Liftinga und aufn Bau, auf da Oim, 11 Summa lang genau.

Lehra in Seinihans seit langa Zeit, Mathe, GZ, Compjuta und Physik vo Zeit zu Zeit, Zeichna, Werkn und Krippnbaun nu dazu, und nembei Freizeitstress grad gnua: Berggeh zu jeder Jahreszeit, Zuginspuin zu meiner eignen Freid, Schnitzn, Dichtn, Moin und beim Compjuta zuachi hänga, bei mehrere Vareine kischza oda länga, Jugendführa und Tourenführer beim Oipnvarein so nebnbei, beim Krippnvarein, Gaschtn- und Zuginvarein, wenn i hu dawei. I moa des wa des wichtigst gwesn, übrigens tua i ganz gean lesn, Moosbeermiasl essn und Voiksmusi hean,und mit da Zugin mecht i nu bessa wean.