Page 13 - Zelger

Gedichte Waltraud Zelger

Zwölfte Station.

Jesus stirbt am Kreuz.

Iaz host ös voibrocht, host auskhaucht dei Lem,

Maria Magdalena sichts a, sie is gonz danem.
Und ia Traurigkeit, ia Troustlousigkeit geht a da Dunkiheit unta,

mocht ins dö Erkenntnis von Guatsei amend munta?

Dreizehnte Station
Jesus wird vom Kreuz abgenommen und in den Schoß seiner Mutter gelegt.

Iaz toants von Kreiz ocha, legn da Maria an Schouß,

do ku ma sechn, ia Liab, dö is groaß.

Si nimmb oi ia Kroft zom und woaß z hintarest gwiß,

das dös Lem und Sterm vo ian Buam nit umasist gwesn is.

Vierzehnte Station.

Der heilige Leichnam Jesu wird in das Grab gelegt.

Iatz lengs di as Grob, aba du weascht eas beweisn,

no long weand eane Gedonkn um des grouße Ereignis kreisn.

Dös Grob is iaz zua, aba dö Hoffnung, dö bleib,
und mia oi send fi dei Auferstehung, fi de vasprochene Rettung bereit.

Fünfzehnte Station.

Mia gwons gonz genau, insa Jesus der leb,
es hot nit umasiest dö Ean so grob beb.

Da Sum vo dein Lein is auf fruchtborn Bon hikema,

loßt ins de Hoffnung, de Wörm, an Friedn,

in deina Auferstehung fi oiwei dakena.

Seite 13