Page 20 - Wieshofer

Gedichte Marianne Wieshofer

Mai

Muaß oans nit a große Freid habm

boi oan des alls häscht und siecht
wia alljahr auf inser Welt da

um die Zeit für Wunder gschiecht?

A niads Astl, a niads Steidl

spitzt iatz außa und werd grea

aufn Feld und aufn Anger

überall is alls oa Blea.

Auf die Obstbam surmen d´Imbm

und wia´s Elsnblüah stark schmeckt,

ningascht gabs a hoamlas Platzei,

des die Maisunn nit daweckt.

In der Fruah scho glei ums grawern

is a Trillerwerch ums Haus

baun sich d´Starl a kloans Nestl,

fliagn beim Häusl ei und aus.

Und mei Herz fangt laut zan Schlagn oh

ah mir is iatz ganz ander z´muat,

was mih ender gar so grahd hat

wird um die Zeit wieder guat

Seite 20