Page 2 - Weihnachtsrap
P. 2
Gedichte Joseph Rossa
Der Kalender werd schun nackert und de Blattla werdn glei gar
Und des is a sichers Zeichn jetzt kimmt Weihnacht und Nuijahr
Und da denkns an ins Kinder und da machns ins a Freud
Weil do habns am heiling Abend a für ins a bissl Zeit.
Is des net des schlechte Gwissen dass sie gor so freundlich tean
Und de Mama spritzt auf d`Fenster nach´m Putzn goldne Stean.
O du schö...o du schö...o du schöne Weihnachtszeit
Und dann sitz ma in der Stubn weil de Kuchl zuagsperrt is
Und am Christbam brennen Kerzen und dass Weihnacht is isch gwiß
Und des Christkind sogt de Mama des war huier bsonders nett
Und des kunnt ma völlig glaubn, gabs de Schlüssllöcher net
Und de Gschenker werdn vergebn und de Gsichta werdn ganz lang
Und bevor sich no wer auregt gibts an Stille-Nacht-Gesang
O du schö...o du schö...o du schöne Weihnachtszeit
Und da Babba geht zum Kühlschrank und er holt sich dort ein Biea
Und da Fanny ihr Verehrer hat sei Hand jetzt auf ihr´m Knia
Und de Mama bringt na Keks her nit was billigs schun was gscheids
Zwengs da Oma de heut da isch, sie is väterlicherseits.
Weil de Oma wenn auf Bsuach is suacht sie überall nach Staub
Und sie konn de Mam nit leiden lei an Babba wia i glaub
Und da Babba geht zum Kühlschrank und er holt sich dort ein Biea
Und de Mama in der Kuchl wascht zum drittenmal scho Gschia
O du schö...o du schö....o du schöne Weihnachtszeit
Und de Mama bringt schun wieda Wurst und Semmalen daher
Und na werd schun wieda gfuattert trotzdem sagns i konn nit mehr
Und de Susi schreit schun wieda nach der Mama ihra Brust
Und da Fanny ihr Verehrer der hat a de gleiche Lust.
Und da Babba geht zum Kühlschrank und er holt sich noch ein Biea
Von dem Streß am heiling Abend hat er jetzt schun woache Knia
Und im Fernsehn spielt zum 7.mal den Oldie Stille Nacht
Und de Fanny hot vor lauter Lust des dritte mal laut glacht
Und de Oma geht zum Bildschirm und sie schalt´zum ORF
Weil sie braucht de Information von dem Seniorentreff
O du schö...o du schö...o du schöne Weihnachtszeit
Und da Babba muaß aufs Häusl weil des Biea des muaß jetzt naus
Seite 2
