Page 230 - Rossa 3

Gedichte Joseph Rossa

Mutters Garten

Mei Muatta hat an Gartn ghabt

Den hat sie mir vermacht
Sie hat ihr halbes Lebn fast
Im Hausgartn verbracht

Mit Schnittlauch und mit Petersü

Und Zwiefl und Salat
Und was man für de Kuchl no

An Kräuter sunst alls hat

I hab ihn umgrabn und planiert
Koa Mensch mehr Kräuter ziagt
Wei ma im Supermarkt dös alls

Gefriergetrocknet kriagt

An Parkrasn, an englischn
Den hab i eingesät
Und wie ein Teppich, so exakt

Der ganze Garten steht

Do käm a Löwenzahn daher
Und Gänsebliaml treibn.....

I hab glei Giftchemie versprüht
Dass ja nua Grashalm bleibn

Jeds Unkräutl werd ausgezupft
Und jede Wochn gmaht

Dass ja de ganze Wiesn bald
Wia Parkgras wachsn tat

Und Hund und Katzn werdn verjagt
Zwoa kloane Zwergerl nur

Verschönen mir mein Paradies
Mein Gott, wia schian is dei Natur

Seite 230