Page 9 - Muattatog

Muatta

Muatta wiag dei Bobbä ei
sing eam a Wiagnliad,
schick a Gebet zum liabn Gott,
dass eas recht guat behiat.

Muatta wiag dei Bobbä ei
und decks behuatsom zua,
wünsch eam a schene, guate Nocht,
wünsch eam a siaße Rua.

Muatta wiag dei Bobbä ei,
gib eam a Bussal socht,
wünsch eam nu recht an siaßn Tram,
an Schutzengl fi d´Nocht.

Muatta wiag dei Bobbä ei,
nu gheats dia gonz alloa,
boid is´s da Wiag entwochsn
und nimmamea so kloa.

Seite -9-