Page 39 - Brenn_2020
P. 39
Gedichte 2020 Hubert Brenn (Längenfeld im Ötztal)
Lei vöerteischn
Do blesn se mit iern Radlen gahe dohin
kemen woeß Gött wie dohea, scholtn an Aku in
asö ischt freilach nit vil drbei
i obr tret wie vrruckt und schtrompl frei
Dos tüet si sischt jo schier niemat mea on
wisö ö, wenn man mitn E-Bike forn konn
und drweil an wie i öerntlach keichn und schwitzn
kenntn ondere one Mie in schteilschtn Weg auhn flitzn
Man triffet se iez iberoll in Schorn
olle sogn se, wie gern se iez Radle forn
obr eigntlach höckn se jo lei drau
dr Mötör treibet se fiero und fierau
Es ischt schöen aweag a vrruckte Zeit
es geit eigntlach nuicht mea, wos es nit geit
Röllar, Radlen, Autö – olle forn se iez salt
Computer und Maschinen regiern breits di Walt
Iez ziehn mr amol a Zwischnbilanz:
vil ischt wirklach nit mea wos a Firlefanz
hegschte Zeit, daß man nit gonz außer Ocht lot
wos dos und sall fier Fölgn und Auswirkungen hot
Seite 39
