Page 95 - Brenn_2014
P. 95
Gedichte bis 2015 Hubert Brenn (Längenfeld im Ötztal)
Lossn mrs güet sein
Lossn mrs güet sein, a Jor klinget widr aus
gean mrs on, a nuies schteat ins ins Haus
wer woeß es schöen, wos sein werchrt und wos gscheahn
is oftr asö weit, wern mrs nö frie genüeg seahn
Lossn mrs güet sein, wos ins schware gebm hot
atie eppas hot gedrucket und koe Rüe gelot
es leit iez hinter ins, ischt leschtlach güet ausgongen
züeversichtlach welln mr widr nui onfongen
Lossn mrs güet sein, wos mr ins in Weg gelet hobm
wos zwischn ins schteat, selln mr vrgessn, Schtreit begrobm
es bringet nuicht, sellas ins nuie Jor mit ze nehmen
wos ungüet ischt, sell an nuien Onfong bekemen
Lossn mrs güet sein, wos fier ischt, wos kimmet, mießn mr wogn
gean mrs schneidig on, one ins ze firchtn und ze zogn
lossn mr olles güet sein und gean mr dos nuie Jor güet on
daß di kemate Zeit wirklach a güete wern konn
Seite 95
