Page 3 - Pöll
P. 3
Gedichte Kathi Pöll
Heit und Friara
Da Untaschied va heit und ameascht,
zan Nåchdenkn is woi daweascht.
Mit´n Gwånd is scho gånz ånascht gwesn,
d´Weiberleit håst kåd mit an Kidl gsechn.
Heit kennst es eh fåst nima ausanon,
´s Weiwä und an Månn.
Wia håm se se denn ameascht untahoitn?
Wei heit tuat da Fernseher an Feirom gstoitn.
Friara, dass za ean Weiwä send kemma,
håms miaßn d´Loata mitnemma,
åwa heit ´s Internet und de Disco dazua,
då findns a nid schnöa ean Bua!
´s Eikaffn wår a boid aus,
des hoit, wås datrågn håmb, is kemma as Haus.
Mit da Freizeit wissns heit nid wia toa,
friara håt ma gmåcht an Ausflug nåch Maria Stoa.
Fen Wintersport håts a Böcke gem,
heit kund ma uni Ski und Snowboard nimma lebn.
Friara håm se de Kinal mit de Tuzepfn untahoitn,
åwa heit is ohne Computer nimma auszhoitn.
Da Woistand und de Technik send hoid kemma,
mia kinnan ins´s Beste draus nemma.
Seite 3
