Page 6 - Habinger

Gedichte Margit Habinger (Rettenschöß)

I hob koa Zeit

I hob koa Zeit
den Sotz heascht ma weit und breit
Koa Zeit?
Net amoi zon lochn, oda fi a kloane Freid?
Koa Zeit?
Fi an Hoagascht mit nette Leit?
Koa Zeit?
Fi a Bussl? De Liab is owa koa Spüh dea Ewigkeit
Koa Zeit?
Das ma eppas ausredt? Vielleicht gabs weniga Hoß und Neid
Gnedig hommas oi, dawei hot koana s’ ewige Lem
mia wean oi mitnon amoi net gfrog “Host Zeit”,

do muast mit und kust di net wehn
Orwet wa sowiso den gonzn Tog und no host a nu net ois dadu
wei bis ma feschtig is, fongs e scho wieda vo voun u
Von Herrgot is ins sicha vagund
das ma sie mocht so long ma leb, adiam an schen Tog a schene Stund
De Jammarei heascht auf, ma hot fi d’ Orwet wieda gonz an neien Muat
amoi a boisl was onas sechn, wos onas doa, '

des duat Leib und Söi oafoch guat

Seite 6