Page 9 - Fischer 2019
P. 9
Gedichte ab 2019 Eva-Maria Fischer
Stillstond
Stillstond
Nix bewegt sich mehr im Lebm.
Stillstond
An Oitog ku ma nimma seng.
Stillstond
As Lebm um oan herrum
nimma richtig gspian donn ku
Stillstond
Jetzt is a schware Zeit
im Lebm dru...
Bei an Stillstond net zu sehr daschreckn,
los di liaba vo da Familie oder vo guade Freind sonft weckn.
Lern di söwa a bissä besser kena,
dra um, schwimm mit gonzer Kroft dagegn, gspia in dia as neie Lebm.
Denk net zu long über den Stillstond, noch oft woas ma net warum
so wias kimmb, verschwinds donn wieder gonz stumm.
Stillstond
Ois neue Chance im Lebm seng
Stillstond
As Eis schmilzt donn mit Sonnenstreun
Stillstond
Jetzt weascht oan wieder gonz vü klor.
Stillstond
As Lebm is oafoch WUNDERBOR
Seite 9
