Page 6 - Brenn_2019

Gedichte 2019 Hubert Brenn (Längenfeld im Ötztal)

Bilanz

I hon vil vo den nit drton
wos i mr amol fiergenömen hon
i hon nie dron gezweiflt, daß is drtüe
hon mr fiergenömen: i heb mi drzüe
i hon mi asie sögor ibr Gebier ongschtrenget
obr olles in ollan bin i decht drhenget
i hon mi zommgerissn, schier augeribm
und decht ischt nö sovl ungeton blibm
es fellt mr nit in ondere ze beneidn
wenn i et her, wie se si gröeß tien und geidn
si geign et gonz öerdelach au
zoegn si zefridn, und schtölz sein se drau
na, do drzuich is wirklach nit mit
gonz zefridn mit mr salt bin i holt nit
i brauch mi nit ze vrschteckn, obr ollerhond schtand nö aus
wenn i Rechnschoft oleg, kimm i schöen draus
und decht – i schaug zrugge und tüe nuicht drvon
i hatt nö sövil gewellt und hon vil nit drton

Seite 6