Page 6 - Brenn_2016
P. 6
Gedichte 2016 Hubert Brenn (Längenfeld im Ötztal)
Zen Donke
In dr Klinikkopallen leit a Büech au, wö di Kronkn
und ö ondere iere Gedonkn inhn schreibm und donkn
wenn se widr gsund wöern sein
si sein fröe und gfrebm si dribr ungemein
Heit hon is durchgeblattlt, und do schteat „du Och du“ ze lesn
wers gschribm hot, ischt mit sein Befund wöll nit gonz zefridn gewesn
wer ischt eppan mitn „Och du “ gemoet
denjenign müeß es schiech gedunket hobm und töll loed
Do ischt eppas öerdelach drnebm und feader gongen
do hot si eppar in sein Ellat wöll numma gonz drfongen
atie a Döktar hot holt ö nit vil Gschpier
i zeich, dr Herrgött nimmets nit ibl und hot Vrschtendnis drfier
Seite 6
